डिजिटल गभर्नेन्स र व्यक्तिगत डाटा संरक्षणसम्बन्धी नीति तथा कानूनको तर्जुमा ६० दिनभित्र…

व्यक्तिगत डाटा संरक्षण नीति २०८२ को मस्यौदा ई-गभर्नेन्स बोर्डले असार १७, २०८२ मै सार्वजनिक गरिसकेको थियो, अर्थात् यो वाचा घोषणा हुनुभन्दा करिब ९ महिनाअघि र अघिल्लो सरकारको पालामा। त्यसैले यो मस्यौदालाई यस वाचाको ताजा उपलब्धि मान्न मिल्दैन।

मस्यौदा अझै मस्यौदा (draft) कै अवस्थामा छ, राय/सुझाव संकलन जारी छ (ई-गभर्नेन्स बोर्ड र नीति अनुसन्धान प्रतिष्ठानको सार्वजनिक नीति संवाद)। स्वीकृत नीतिका रूपमा आइसकेको पुष्टि हुँदैन।

कानून (ऐन) को तर्जुमा भएको छैन। मस्यौदा नीति आफैँले "व्यक्तिगत डाटा संरक्षण ऐन तर्जुमा गर्ने" भन्ने भविष्यको कामका रूपमा उल्लेख गर्छ। त्यसैले ६० दिनभित्र कानून तर्जुमा हुने वाचा पूरा भएको छैन।