प्रमुख सडक तथा यातायात पूर्वाधार आयोजना समयमा पूरा नहुने समस्या समाधान गर्न तत्कालै…

आयोजना निगरानीतर्फ केही प्रगति भएको छ। राष्ट्रिय राजमार्गअन्तर्गत निर्माणाधीन तथा मर्मत भइरहेका सडक र पुल आयोजनाको नियमित निगरानीका लागि सबै सङ्घीय अनुगमन तथा सुपरीवेक्षण कार्यालयलाई मासिक माइलस्टोनसहितको कार्यतालिका तयार गरी कार्यान्वयन गर्न निर्देशन दिइएको छ। हालसम्म केही कार्यालयबाट माइलस्टोनसहितको कार्यतालिका प्राप्त भइसकेको छ भने अन्य कार्यालयबाट विवरण सङ्कलन जारी छ। सडक विभागले साप्ताहिक प्रगति अद्यावधिक हुने ड्यासबोर्ड र सामाजिक सञ्जालसँग आबद्ध रियल टाइम गुनासो ड्यासबोर्ड सञ्चालनमा ल्याएको छ।

तौल पुलतर्फ ४५ दिने समयसीमा भने भेटिएको छैन। सडक विभागसँगको समन्वयमा देशभरका ११ रणनीतिक स्थान पहिचान गरिएको छ र बर्दिबास तथा चितवनका पुरानो तौल पुल मर्मत तथा क्यालिब्रेसन गरी पुनः सञ्चालनमा ल्याइएको छ। निजी क्षेत्रबाट सञ्चालित १६ वटा तौल पुलको विभाग र ट्राफिक प्रहरीको संयुक्त अनुगमन भइरहेको छ। तर पहिचान गरिएका रणनीतिक स्थानमा नयाँ तौल पुल जडान भने आगामी आर्थिक वर्षमा सारिएको छ, जसका लागि थप चार स्थानमा बजेट प्रस्ताव गरिएको छ।

निष्कर्ष: आयोजना निगरानी कार्यतालिका आंशिक रूपमा कार्यान्वयनमा छ र ड्यासबोर्ड सञ्चालनमा आएको छ, तर सबै कार्यालयबाट पूर्ण भइसकेको छैन। तौल पुलको हकमा अध्ययन र स्थान पहिचान भए पनि ४५ दिनभित्र नयाँ तौल पुल राख्ने लक्ष्य पूरा भएको छैन र मुख्य जडान आगामी आवमा धकेलिएको छ।