m. a pass

२०३७ साल जेठ १५ गते काठमाडौंमा जन्मिएकी बासना थापा एक शिक्षित, जुझारु र प्रभावशाली युवा नेतृ हुन्। राजनीतिक विरासत बोकेको परिवारमा हुर्किएकी थापाका हजुरबुवा नरबहादुर थापा २०१५ सालको पहिलो निर्वाचनमा काठमाडौंबाटै निर्वाचित सांसद थिए। समाजशास्त्रमा स्नातकोत्तर (मास्टर्स) तहसम्मको अध्ययन पूरा गरेकी थापा २०५९ सालमा विवाहपछि दैलेखको नारायण नगरपालिकामा स्थायी रूपमा बसोबास गर्दै आएकी छिन्। उनी राजनीतिलाई सेवाका रूपमा लिँदै होटल व्यवसाय र सामाजिक क्षेत्रमा समेत सक्रिय छिन्। विशेषगरी महिलाहरूको आर्थिक सशक्तीकरण र सामाजिक न्यायका मुद्दाहरूमा उनको स्पष्ट दृष्टिकोण र सक्रियताले उनलाई स्थानीय स्तरमा एक लोकप्रीय र भरोसायोग्य नेतृका रूपमा स्थापित गरेको छ।