आइए

लक्ष्मीप्रसाद पोखरेलको जन्म २०१९ साल असार १३ गते दैलेख जिल्लामा भएको हो। स्नातकसम्मको शिक्षा हासिल गरेका पोखरेल सानै उमेरदेखि राजनीतिक चेतनाले ओतप्रोत थिए। उनले आफ्नो विद्यार्थी जीवनमै विजया माध्यमिक विद्यालयमा नेपाल मजदुर किसान पार्टी (नेमकिपा) को विद्यार्थी कमिटी गठन गरी संस्थापक अध्यक्षको रूपमा नेतृत्वदायी भूमिका निर्वाह गरेका थिए। पञ्चायतकालमा बहुदलको पक्षमा वकालत गरेकै कारण १७ वर्षको कलिलो उमेरमा पहिलोपटक पक्राउ परेका उनी आफ्नो दृढ राजनीतिक आस्थाका कारण पटक-पटक जेल जीवन समेत व्यतित गरेका एक संघर्षशील व्यक्तित्व हुन्।