स्नाकोत्तर

सुलभ खरेल २०५४ सालमा रूपन्देहीको बुटवलमा जन्मिएका एक जुझारु युवा अधिवक्ता तथा राजनीतिज्ञ हुन्। हाल राष्ट्रिय स्वतन्त्र पार्टी (रास्वपा) का तर्फबाट रूपन्देही क्षेत्र नम्बर २ मा प्रतिनिधिसभा सदस्यका उम्मेदवार रहेका उनी कानुनी क्षेत्रमा प्रखर पहिचान बनाउन सफल छन्। विज्ञान विषयमा प्लस टु र नेपाल ल क्याम्पसबाट कानुनमा स्नातक (BA-LLB) गरेपछि उनले अमेरिकाबाट संवैधानिक कानुनमा स्नातकोत्तर (LLM) गरेका छन्। सर्वोच्च अदालतमा प्रधानमन्त्रीको प्रतिनिधिसभा विघटनविरुद्ध रिट दायर गर्ने सबैभन्दा कान्छो निवेदकका रूपमा उनले राष्ट्रिय चर्चा कमाएका थिए। रास्वपा सभापति रवि लामिछानेका कानुनी सल्लाहकारका रूपमा सक्रिय उनले निर्वाचन आयोगका कतिपय निर्णयविरुद्ध पनि कानुनी लडाइँ लडेका छन्। पछिल्लो समय न्यायाधीशसँगको विवाद र इजलासमै ढलेको घटनाले उनी थप चर्चाको केन्द्रमा रहे। हाल उनी एमालेका विष्णु पौडेल र कांग्रेसका चुन्नप्रसाद पौडेल जस्ता हेभीवेट उम्मेदवारसँग प्रतिस्पर्धा गर्दै युवा परिवर्तनको नारा बोकेर चुनावी मैदानमा छन्।