स्नात्तकोतर व्यवस्थापन

नरेन्द्र कुमार केरुङ नेपाली कांग्रेसका प्रभावशाली केन्द्रीय सदस्य तथा पाँचथर जिल्लाका एक निष्ठावान र बौद्धिक नेता हुन्। वि.सं. २०२९ मंसिर २१ गते पाँचथरको फालेलुङ-७, सिदिनमा जन्मिएका केरुङले समाजशास्त्र र व्यवस्थापन विषयमा स्नातकोत्तर तहसम्मको अध्ययन पूरा गरेका छन्। वि.सं. २०३९ सालमा नेपाल विद्यार्थी संघबाट आफ्नो राजनीतिक यात्रा आरम्भ गरेका उनले पञ्चायतकालीन कठिन समयदेखि नै प्रजातन्त्रको पक्षमा आफूलाई उभ्याउँदै आएका छन्। बौद्धिक व्यक्तित्व, तार्किक वक्ता र सांगठनिक क्षमताका धनी केरुङले दुई कार्यकाल (२०६७–२०७८) सम्म नेपाली कांग्रेस पाँचथरको जिल्ला सभापतिको रूपमा सफल नेतृत्व प्रदान गरे।