स्नातक

हरि ढकाल राष्ट्रिय स्वतन्त्र पार्टी (रास्वपा) का केन्द्रीय सदस्य तथा चितवन क्षेत्र नं. १ बाट निर्वाचित प्रतिनिधिसभा सदस्य हुन्। २०४० सालमा चितवनको रत्ननगरमा जन्मिएका उनले २०७९ को निर्वाचनमा पूर्वअर्थमन्त्री सुरेन्द्र पाण्डे र डा. विश्व पौडेल जस्ता 'हेभिवेट' उम्मेदवारलाई पराजित गरेर सबैलाई अचम्मित तुल्याएका थिए। ३४ हजार १८९ मतका साथ विजयी भएका ढकाल हाल सोही क्षेत्रबाट दोस्रो पटक उम्मेदवारी दिँदै चुनावी मैदानमा छन्। जुझारु युवा नेताको छवि बनाएका उनीमाथि क्षेत्रको विकासमा अपेक्षाकृत काम नगरेको भन्ने केही आलोचना र चुनौतीहरू पनि रहेका छन्।